Seerat un Nabi

  کتاب کا نام: فقه السيرة مصنف: أ.د. زید بن عبدالكريم الزيد ناشر: مركز آفاق المعرفة، ریاض صفحات: 1441 ایڈیشن: جدید (دو جلدوں پر مشتمل) ڈاکٹر زید بن عبد الکریم الزید کی فقہ السیرۃ اپنے موضوع پر ایک منفرد اور جامع علمی کارنامہ ہے۔ یہ کتاب محض سیرتِ رسول ﷺ کی روایتی ترتیب نہیں بلکہ سیرت کے فہمِ فقہی اور تربیتی پہلوؤں کو واضح کرتی ہے۔ مصنف نے نبی اکرم ﷺ کی زندگی کے مختلف ادوار کو اس زاویے سے دیکھا ہے کہ ان سے امت کو عملی حکمت، قیادت، تربیت اور اخلاقی بصیرت کیسے حاصل ہوتی ہے۔ کتاب کی ایک نمایاں خوبی یہ ہے کہ اس میں سیرت کے واقعات کو محض تاریخی بیانات کے طور پر نہیں بلکہ دروس و عبر اور عملی رہنمائی کے منہج کے طور پر پیش کیا گیا ہے۔ مصنف نے واقعاتِ سیرت کے ساتھ قرآنی آیات، احادیث، فقہی اصول، اور سلوکی نکات کا مربوط ربط قائم کیا ہے، جس سے یہ کتاب عام قاری کے ساتھ ساتھ محققین کے لیے بھی گراں قدر بن گئی ہے۔ جدید ایڈیشن میں مصنف نے اپنی سترہ سالہ علمی محنت سے حاصل شدہ اضافے شامل کیے ہیں، جس سے کتاب کی وسعت اور گہرائی میں نمایاں اضافہ ہوا ہے۔ کتاب کی زبان واضح، علمی اور رواں ہے، ...

بسم اللہ الرحمن الرحیم  ۱۔سیرت نگاری اور اصول روایت و درایت ۲۔علامہ شبلی کے (۱۱) اصول سیرت نگاری ۲۔سیرت نگاری کا منہج تحقیق(تحقیقی طریقہ کار) جمع وترتیب : محمد جنید انور ۱۔سیرت نگاری اور اصول روایت و درایت سیرت نگاری ایک جداگانہ فن ہے جو فن حدیث کی طرح روایت و درایت کے اصولوں پر قائم رہنے کا متقاضی ہے۔ اسی لئے سیرت طیبہ کو تحقیقی انداز میں لکھنے والے سیرت نگاروں کو قدیم سیرت نگاروں سے یہ شکایت رہی ہے کہ انہوں نے سیرت نگاری میں روایت کے ساتھ درایت کے اصولوں کی پوری پابندی نہیں کی ہے جس کے نتیجے میں سیرت طیبہ کے لٹریچر میں ایسی کمزور، مشتبہ اور غلط روایات داخل ہوگئیں ہیں جن سے اسلام اور سیرت طیبہ کی پرشکوہ عمارت کو ناقابل تلافی نقصان پہنچا ہے۔ چنانچہ دور جدید کے بعض سیرت نگاروں نے سیرت نگاری میں اصول روایت و درایت کی اہمیت اور اصولوں کی نشاندہی کی ہے۔ ذیل میں اسے اختصار کے ساتھ پیش کیا جاتا ہے۔ قرآن مجید نے روایت کی تحقیق کا اصول خود قائم کردیا ہے۔ سورۃ الحجرات کی آیت نمبر ۶ میں صاف حکم دیا گیا کہ : یٰا یَّہُاَالَّذِیْنَ اٰمَنُوْآ اِنْ جَآئَ کُمْ فَاسِقٌم بِن...